قامت هوجة يناير وأفقدت البلد الأمن والأمان
قامت هوجة يناير لتسقط النظام بالمعنى الحرفى حيث أصبحنا بلدا بلا نظام
قامت هوجة يناير لنخسر السياحة
قامت الهوجة لنخسر فلوس البورصة
قامت الهوجة لمحاكمة الرئيس المستقيل الذى حقن سفك مزيدا من الدماء
قامت الهوجة لنجد أنفسنا بدون دستور
قامت الهوجة لننتخب برلمان الندامة الذى ينحصر تفكيره بين الصرة والركبة
قامت الهوجة لتخرج لنا جماعة طظ فى مصر لتحول نظرية الطظ إلى واقع ملموس
قامت الهوجة ليخرج السلف باحثا عن قيام جماعة الأمر بالمنكر لتجرى وراء الشعب المصرى بالكرباج
قامت الهوجة لتخسر المرأة كل مكتسباتها على مر السنين لتجد برلمانا يلغى قانون التحرش بها وكأنها نفايا تنهشها الكلاب بلا رادع
قامت الهوجة ليجد الأقباط أنفسهم عرضه للدهس والهرس وإنتظار أن يمن عليهم المرشد بالحسنة والإحسان
قامت الهوجة لنجد الإرهابيين نجوما للمجتمع وأصحاب أحزاب وواعظين وحكماء للشعب المصرى
قامت الهوجة ليتحول ميدان التحرير إلى خراج وورم خبيث يخرج له المحرضين للوى دراع الشعب المصرى كله
قامت الهوجة وفاضل تكة واحدة ويستغل إخوان طظ فى مصر حكم المؤبد على مبارك للسيطرة على عقول الناخب ويفزعوهم من إنتخاب شفيق وتسليم البلد تسليم مفتاح ومتشطبه للإخوان كى ما يعربدوا فى حكم مصر بدون رادع أو معارضة وده السيناريو الأسود إللى لو كمل تبقى خربت بجد فإنتخاب شفيق هو الفاصل بين بقاء مصر كدولة أو أن تتحول إلى مستنقع زيه زى الصومال وأفغانستان وفى أحسن الأحوال زى السودان ممزقه وأهلها يحاربون بعض وإحنا بنترجى كل الثوار وكل من يدعون الليبرلية وكل من يطلبون مدنية الدولة ما تسلموش عقولكم وتمشوا زى القطيع وراء الإخوان وإفتكروا إنهم ما نزلوش معاكم فى التحرير إلا لما إتأكدوا إن الدنيا أمان وباعوكم فى أول فرصة وزقوكم علشان تولعوا فى أنفسكم فى محمد محمود والعباسية وباعوكم فى الدستور والبرلمان وفاضل يبيعوكم فى سوق النخاسة إصحوا بقى من النوم وفوقوا بقى لأنه ولو إنتخبتم مرسى أو إديتوا الفرصة للإخوان ياخدوا الرئاسة يبقى بعتوا مصر بالرخيص وما تستنوش حسنة الإخوان بعد كده لأن الحداية ما بتحدفش كتاكيت يا كتاكيت السياسة وبلاش تكملوا السيناريو الأسود وبيعوا الإخوان فى ميدان التحرير وإخلعوا وإطلعوا ناصحين ولو لمرة واحدة لأنها المرة الأخيرة إللى حا تنزلوا فيها الميدان لأن الإخوان حا يعوزوا الميدان بعد صلاة كل جمعة علشان قطع الرؤوس لمخالفين شرعهم وأحكامهم وخلوا بالكم المؤمن لا يلدغ من الإخوان مرتين وإنتوا بقيتوا ملدوغين ييجى عشرين مرة فكفاية لدغ بقى وكفاية بقى يا شباب لأن الحقيقة المرة إن بلدنا بتولع بيكم
0 comments:
إرسال تعليق