عايز تعرف مين عذبها
عايز تعرف مين أبكاها
عايز تعرف إيه شكوتها
واللي تاعبها ومين أعياها
ابنها هوه اللي مغلبها
أجرى دموعها وعاث فـ دماها
ابنها هوه اللي مسهرها
هوه أملها وهو بلاها
مصر يا مصري تهون فـ عيوننا
مش بكفايه عليها أساها
مش بكفايه عليها حيرتها
علشان تسعد ابن عصاها
كنت اجمل ابن فـ. دنيتها
كنت راحتها وكل رجاها
كنت انت بتتمنى تشيلها
يوم تشتكي من هم أذاها
قوم صالح فـ اخواتك ترجع
ترجع مصر تهادي رضاها
0 comments:
إرسال تعليق