اِبني جامـع/ مهندس عزمي إبراهيم

اِبـني جامــع
لا انـا حاتضايـق ولا حتغيـظـني
وطبــعـاً مانتـاش عـايــــز إذني
لأ، لأ، لأ... متبنيــش جـامـــــع
اِبني جوامـــع
اِبني جوامــع.. وامــلا شـوارع
اِبني حـتى مليـــــــــــون جامـع
اِبـني وعَـلـّي ماعنديـش مانـــع
وخــدها نصيحة
واضحة صريحة

ما دام تبنيــه "لعبـــادة" اللـــه .... ما تضيَّقهاش على خلــق اللـــه
***
اِبني وعـلـّي.. اِبني وصلـّي
وأنـا أبـني كنيســة واصلـّي
واقف ليه في طريقي تمَلـّي
هل أنا باخـد شيء من عنــدك؟ .... مش دي بلــدي زي ما بلـــدك؟
أنـا أصَلـّي.. وانـت تصَلـّي
وكل مواطــن فيـها يصَلـّي
باسم اللــه .... ويترجـــاه
يرضى عليـــنا ويصـون مصــر .... ويجعـل منهـا عروسـة العَصـر
يرعى واديــها، ويرعى النيـــل .... ويحميــــها مـن كـــل دخيــــــل
من خايــن وجاسوس وعميـــل
***
هــل فيــه بَنـــْـــد في الإســـلام
إنّ الصَـــلا عيــــب... وحــــرام
يا أخـي المسـلم أكـــرم دينــــك .... حـَكــِّـم عقلـــك، حـَكــِّـم دينــــك
حُـكـْم العـــدل ما عمـره يشينـك .... وتـاج العَـــدل جَمـــاله يزينـــك
أصــل العـــــدل يرضي اللـــــــه .... لأنــَّــه مِـن أسمـــــاء اللـــــــــه
***
ليـه الصــلا عايــــز ترخيــص؟
والا عشــان الظلــــم رخيــص!
***
لـو ابني كنيسـة شريفة وحـُـرَّة .... مش حَتضـُـرّ انســــان بالمـَــرَّة
والإســلام... لـو أبـني كنايـــس .... مش رَح ينقــَـص مقــــدار ذرَة
بتبنــــوا جَـوامــــع زي الـــــرز
لا احنـــا بننقــص.. ولا بنتهَــــز
***
اللــــه خلــَق النـــاس لعبــادتُـه .... وخلَـق النــاس أحـرار بإرادتُـه
فسيـب المـــرء يخاطـب سيــده
وسيـب اللــــــه يسمَـع لعبيـــده
*****
مهندس عزمي إبراهيـم

CONVERSATION

3 comments:

مويى مرعي يقول...

استاذ عزمي ابراهيم قصيدة رائعة و مثيرة جدا . مش بس حضرتك بتدعي لمصر كلنا ندعي لمصر و بدعاء الاوفياء لمصر انتصرت مصر على الصعوبات مصر سترجع اقوى و احمل مماكانت بشعبها الابي و تاريخها العظيم و الكنيسة ستبقى بجانب المسجد و الارهاب سيرحل الى الجحيم

موسى مرعي يقول...

استاذ عزمي حصل غلط في الاسم التصحيح هو ( موسى مرعي

مهندس عزمي إبراهيـم يقول...

أخي الأستاذ موسى مرعي
أشكرك على تعليقك الكريم، وأشاركك أصدق الآمال أن تحظي مصر والمصريين بالأمن والخير والاستقرار.

مهندس عزمي إبراهيـم