عجبى عليكى يا دنيا دا الكل راح يسيبك
إنتى باقيتى على مين قوليلى مين حبيبك
دنا من تراب يا دنيا يعنى أنا قريبك
فينا العيب يا دنيا ولا العيب عيبك ... وعجبى
ــــــــــ
الدنيا كلها عِبر ولكل إنسان حكـــــاية
حكاية اليوم إبتدت وحكاية بلغت نهاية
النهارده إنسان دفنوه
وإنسان سحبته الداية ... وعجبى
ـــــــــ
با إللى ضهرك إنحنى وعنيك بتشوف طشاش
وكبرت وجالك زاهيمر وولادك ما بتعرفهاش
وجريت جرى الوحوش فى دنيا ما ديماش
نسيت تفكر فى يوم هتخرج ملفوف فى قماش .... وعجبى
ـــــــــــ
يا إللى إنت عمال تبعتر فى الهايفة بالألاف
ما فكرتش تكفل يتيم مش لاقى عيش حاف
وكان قلبك حجر ومن الأخرة مــــــــا خاف
هتاخد إيه معــــــاك وأنت متشال ع الكتاف ... وعجبى
ــــــــــ
0 comments:
إرسال تعليق